Warning: Creating default object from empty value in /home/treeads/7B7XRX0N/radiomalesia/wp-content/plugins/more-fields/more-fields-object.php on line 140
Rritet çmimi i mielli | Radio Malesia.com

Ky opsion vendos faqen origjinale te RadioMalesia.com. Duke vendos faqet qe keni mbyllur.

Rivendos

Rritet çmimi i mielli

www.radiomalesia.com

www.radiomalesia.com

Prodhuesit e bukës paralajmërojnë rritjen e çmimit për shkak të rritjes së shpejtë që po pëson çmimi i miellit. Sipas tyre një kuintal miell, para një jave është blerë me 4 mijë e 200, ndërkohë që sot është blerë me 5 mijë e 200 lekë, duke pësuar një rritje të menjëhershme prej një mijë lekë.

“Çmimi për momentin nuk është rritur. Pritet një rritje në të gjitha furrat e Shqipërisë pasi çmimi i miellit po rritet me hapa galopantë. Nuk kemi bërë rritje për momentin, të shikojmë se si do shkojë tregu. Nëse rritet mielli do reagojmë edhe ne”, deklaron Ardian Dalipaj, pronar i një furrë buke.

Pronarët e furrave të bukës janë në pritje të rritjes që do të pësojë çmimi për një kuintal miell, pasi burime të pakonfirmuara thonë se ditën e hënë një kv miell do të shitet me 6 mijë lekë.

Ata nuk japin ende çmimin se sa do të shitet një bukë e zakoshme 70 gramëshe javën që vjen, kur aktualisht ajo kushton 60 leke.

Lëkundjet në tregun ndërkombëtar filluan menjëherë pas vendimit të qeverisë ruse për të bllokuar eksportin e grurit si pasojë e thatësirës dhe djegies së fushave të tëra me grurë nga zjarret që kanë përfshirë këtë vend prej disa ditësh

Tregu vendas më shumë pre e abuzimit dhe monopolit

Edhe pse është rritur me 80 përqind brenda një muaji të dhënat tregojne se çmimi i miellit në tregun ndërkombëtar është sërish gati dy herë më i ulët se sa në krizën e viteve 2007-2008.

Dy vjet me parë çmimi i miellit në tregun ndërkombëtar ceku rekordin e mbi 350 dollarëve për ton, nga 200 që është aktualisht. Në atë kohë çmimi i bukës në tregun e brendshëm arriti në 80 lekë.

Por pas krizës së vitit 2008, çmimet e ushqimeve në botë ranë në mënyrë drastike për shkak të krizës, ndërsa konsumatorët shqiptarë nuk përfituan nga ajo. Edhe këtë herë tregu shqiptar nxiton të paralajmërojë rritje të çmimeve, kostoja e të cilëve bie gjithmonë mbi konsumatorët, e sidomos ata me të ardhura më të ulëta.

Por nëse çmimi i bukës në tregun vendas do kishte ndjekur në mënyrë të drejtepërdrejtë çmimin e miellit në tregun ndërkombëtar, atëherë rënia e çmimit duhet të kishte qënë shumë më e fortë se sa ajo që ndodhi.

Dyshimet se tregu i drithërave në Shqipëri, është i komanduar në të kaluarën janë provuar edhe zyrtarisht. Një vit më parë autoriteti i konkurencës provoi se dy kompanitë më të mëdha të miellit në Shqipëri kishin marrëveshje të fshehtë duke rritur artificialisht çmimet, që sot kërcënohen të rriten sërish.

Digg This
Reddit This
Stumble Now!
Buzz This
Vote on DZone
Share on Facebook
Bookmark this on Delicious
Kick It on DotNetKicks.com
Shout it
Share on LinkedIn
Bookmark this on Technorati
Post on Twitter
Google Buzz (aka. Google Reader)

Pergjigju